كيف أحمل المحاضرات والملخصات على جهازي؟

●مـغـḾẵğŋằنــے● · 02-11-2011, 03:05 AM

هذا الموضوع للطلبة الجدد

لايوجد برنامج معين لتحميل المحاضرات والملخصات

تحميل محاضرات الفيديو والملخصات يتم بشكل طبيعي بدون برامج إضافية للتحميل ، مثل تحميل أي ملف من الانترنت.

1- تدخل على موقع البلاك بورد ، هذا الموقع اللي فيه محاضراة الفيديو والملخصات ، تدخل على هذا الرابط

http://lms.kfu.edu.sa/

2 - تدخل رقمك الاكاديمي في خانة اسم المستخدم ، وتحط رقمك السري في خانة كلمة المرور

3- راح تفتح معك صفحة وبتشوف المواد اللي نازلة لك .

4 - اضغط على المادة اللي تبيها ، مثلا التحرير العربي .

5 - بتفتح لك صفحة وراح تشوف على اليمين قائمة مكتوب من ضمنها : محتوى المقرر ( هذي لما تضغط عليها راح تفتح لك صفحة فيها الملخص حق المحاضرة اللي كاتبة لك الدكتور ، وطبعا كل اسبوع تزيد الملخصات حق كل مادة )

الملف يا يكون ملف وورد أو باور بوينت أو اكروبات ريدر .. اضغط عليه بالزر الأيمن للفأرة ( حفظ الهدف بإسم - save target as) وكل اسبوع تسوي نفس الشي .

6 - لازلنا في القائمة اللي على اليمين : اذا بغيت تشوف المحاضرة فيديو ، اضغط على المحاضرات المسجلة ( راح تشوفها في نفس القائمة اللي على اليمين أيضاً )

7 - اول ماتضغط راح تفتح لك صفحة مكتوب من ضمنها مشاهدة المحاضرة المسجلة _ تنزيل المحاضرة المسجلة .

8 - اضغط على تنزيل المحاضرة المسجلة بالزر الأيمن للفأرة ( حفظ الهدف بإسم - save target as)

الآن انت نزلت ملف المحاضرة ، كيف تشوف المحاضرة من خلال هالملف ؟

الملف اللي انت نزلته راح يكون على شكل ملف مضغوط.

اضغط على الملف بالزر الأيمن للفارة واختار (فَـك هنا - Extract Here) ..

بعد ما تكتمل عملية فتح الملف المضغوط راح تشوف مجلد .

ادخل على هذا المجلد بتشوف داخله :

صفحة انترنت + مجلد ( المجلد هذا مهم جدا لأنه هو اللي يدمج لك الصوت بالصورة ويخلي المحاضرة تشتغل ، لاتسوي فيه اي شي)

اضغط على صفحة الانترنت اللي بجانب المجلد ( اذا فتحت الصفحة يمكن يجيك الشريط الأصفر اللي أعلى الصفحة يقول لك هل تسمح بفتح الصفحة هذي او لا ، قول له فتح )

لما تفتح صفحة الانترنت انتظر شوي وراح تطلع لك ثلاث خيارت، اضغط على الاختيار الاول .

وبإذن الله راح تشتغل معك المحاضرة صوت وصورة .

وبإمكانك إعادة مشاهدتها وإعادة مشاهدة أجزاء منها مثل أي ملف فيديو عادي

مجهود
طالب جامعي منتسب

المصدر: منتديات التعليم عن بعد والتعلم الإلكتروني - من قسم: أرشيف الملتقى الأكاديمي لجامعة الملك فيصل

;dt Hplg hglphqvhj ,hglgowhj ugn [ih.d?

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: كيف أحمل المحاضرات والملخصات على جهازي؟
الموضوع
المحاضرات المسجله -المحاضرات المباشره
أجمل الجلابيآآآآت ~صور